Wah, taun 2013 sakeudeung deui yeuh!
Tiap akhir taun, biasana dijalan-jalan pasti rame. Aya
anu niup torompet, aya nu nongkrong jeung babaturan atawa kumpulan nana, aya nu
bobogohan, aya nu ulin jeung kulawargana, jeung sajabana, jeung sajabana.
Tapi nu seragam mah pasti pada ngabogaan
kalender anyar, naha rek pamere ti salah sahiji calon gubernur anu ayeuna keur rame
pada neangan dukungan atawa ngahaja meuli ka tukang dagang anu memang
nyadiakeun kalender anyar. Hehehe…
Padahal mah taun baru teh lain ngan saukur kagiatan kitu
hungkul, lain ngan saukur ngaganti kalender atawa ubrang-abring dijalan, di
supermol, jeung kagiatan hura-hura nu laina, da ceuk pamikir Kang Haji mah ieu
teh salah hiji kasempetan keur urang instropeksi diri tina sagala rupa hal nu geus
dipigawe sataun katukang sangkan engke kaharepna bisa leuwih hade dina ngalakonan
kahirupan, ceuk bahasa gaulna mah waktuna merenung.
Aeh, tapi nahanya, merenung atawa instropeksi diri teh
make kudu ngadagoan akhir taun sagala? Pan Kanjeng Nabi Muhammad SAW oge kantos
ngadawuh tur nganjurkeun ka umatna dina salah sahiji hadis nu pami teu lepat
mah kieu hadisna teh; “Yen saha-sahajalma anu ngalakonan poe ieu leuwih hade tibatan kamari, eta teh kaasup hijijalma atawa golongan anu untung. Terus mun poe ieu sarua jeung poe kamari, tahnu ngalakonan nateh kaasup jalma atawa golongan anu rugi. Sedengkeun anungalakonan poe ieu leuwih goreng tibatan kamari, kaasup jalma atawa golongananu cilaka”.
Tuh, sabenerna mah
gening instropeksi teh lain dina itungan taun, tapi itungan poe. Da kabayang
atuh boros na urang meakkeun waktu lamun seug rek instropeksi teh kudu nungguan
heula akhir taun. Asa ku teu kudu nyak! Hehehe…
Sok bayangkeun, lamun seug euweuh nu ngarana kagiatan taun baru, naha urang
masih sempet keur instropeksi diri? Leuheung kitu oge mun urang dipaparin umur
nepika manggih deui taun anyar, coba lamun henteu. Kabayang mereun nya! Tah
tidinya matakna Nabi nganjurkeun tiap poe instropeksi teh.
Taun anyar Masehi nu rek kalakonan engke teh sabenerna
mah ngan saukur salah sahiji kagiatan tina rupa-rupa hal kagiatan sejen nu
leuwih loba deui. Tapi tina lobana kagiatan eta teh, ku Kang Haji rek dibagi
kana dua kagiatan, nyaeta kagiatan PERSONAL jeung kagiatan GLOBAL (PUBLIK)
atawa bisa oge disebut kagiatan umum. Mereun kitu oge, da ieu mah ceuk pamikir
Kang Haji nu teu pernah sakola. Hehehe,,,
Kagiatan personal teh nyaeta kagiatan anu kaalaman ku
hiji jalma eta hungkul, tapi bisa oge sarua kaalaman ku batur tapi cara jeung
katangtuan namah can puguh sarua. Urang contokeunlah ngarah gampang. Misalna, Kang Haji ngarasa bungah sawaktu Kang Haji nginum es kalapa pamere ti tatangga,
tah batur oge bisa sarua ngarasa bungah, ngan kajadian nana bisa jadi beda, boa
batur mah bungah nginum es kalapa teh pedah keur panas poe dijalan najan
meunang meuli oge, atawa baturmah bungah teh pedah nginum sprit murag tina
mobil nu ngangkutna, atawa sajabana deui. Tah mun dikaitkeun kana agama mah, nu
kieu teh disebut salah sahiji pangalaman spiritual anu ka alaman ku hiji jalma,
mun bahasa gaulna mah “herofani” cenah. Mun teu salah kitu oge.
Tapi, aya mangsana oge ieu kagiatan personal teh jadi
salah sahiji kagiatan global, samisal sababaraha pangalaman spiritual Kanjeng
Nabi Muhammad SAW anu kadieuna jadi kagiatan sadaya umatna nepika akhir jaman.
Diantarana muludan atawa maulid nabi, isra miraj jeung sajabana.
Tah, ayeuna urang bahas kagiatan nu kadua, nyaeta
kagiatan global. Kagiatan global teh nyaeta salah sahiji kagiatan anu
nguruskeun jalma loba anu ruanglingkupna oge luas bisa nasional atawa
interlokal, aeh,,,internasional maksudna teh. Dina kagiatan ieu satiap jalma
ngalakukeun hal anu sarua. Samisal pas kagiatan taun baru, piala dunia, ulang
taun jeung sajabana. Tah, ieu oge aya kaitan nana jeung agama. Keun we urang
bahas taun baru masehi, sabab ieu kagiatan global nu sakeudeung deui bakal ka
alaman ku urang kabeh, nu sabeberna taun anyar masehi teh ngakar tina sajarahna
tradisi umat kristen.
Tah kusabab hal eta, asa ku mangwatirkeun pisan Kang Haji
mah ningali bangsa urang anu kasebut mayoritas atawa lolobana umat islam teh
leuwih resep ngarayakeun taun anyar deungeun (Masehi) tibatan taun anyar
sorangan (Hijriah), nu leuwih parah mah aya nu nepika teu apal pisan. Coba
nepika kituna. Tah, dina hal ieu mah urang sakuduna bisa ningali tur nyonto ka
urang cina anu tetep teguh ngarayakeun imlek dimana wae ayana.
Lamun seug kagiatan ieu terus bari sering dijadikeun
festifal muhasabah, geus waktuna urang instropeksi diri deui kana hadis nabi
anu pokna; “Saha-saha jalma anu kalakuan nana nurutan, atawa nyarua-nyaruakeunjeung hiji kaum, maka tangtu eta jalma teh ka asup kana golongan eta kaum”.
Sakali deui, taun anyar mah ngan saukur salah sahiji
kagiatan ganti tanggal tina 31 kana 1. Teu kudu nungguan sataun lamun urang rek
instropeksi diri. Pek we gawean iraha bae sangkan urang bisa leuwih hade tiap
waktu. Tah, sakitu we curat coret keur poe ayeuna mah, mugia aya bahan katampi
sinareng aya manfaat kanggo diri pribadi oge nu macana. Tapi bilih aya nu teu
kahartos mah, hayu urang diskusikeun didieu, atanapi dina pesbuk ngeunaan
tulisan ieu. Da Kang Haji mah moal nolak kana kritik najan pait oge, salami eta
kritik ngawangun kana kasaean sewang-sewangan. Hehehe,,,hampura ah, bisi
ngacapruk.
Deeeerrrr,,,,ah !!!
Wassalam…..
Assalammualaikum abah, saha nu menang kira-kira? salam kenal..wsl.ww
BalasHapusbanguna nu jualan torompet nu kengeng mah,,,
Hapushehehe,,,
aku tidak mengerti bahasanya,, nuwun
BalasHapusgimana dong? mau di translate ke bahasa indonesia?
Hapusselamat malam salam kenal.
BalasHapussalam kenal juga !! :)
Hapusmakasih buat kawan-kawan yang datang semaunyah,,,
BalasHapushehehe,,,
piiisssss,,,,ah !!